Міндетті жүзеге асыру тәсілі: ресми және бейресми жоғары білім берудің конвергенция жағдайында кәсіби шетел тілін оқытуды жүзеге асырудың теориялық негіздері анықталады, «бейресми шетел тілінде білім беру» ұғымының мәні нақтыланады және оның білім берудегі рөлі айқындалады.

Күтілетін нәтиже: зерттеудің проблемалық саласын зерделеу және оны талдау жоғары оқу орны білім алушыларының кәсіби шет тілдік құзыреттілігінің конвергентті моделін әзірлеу үшін ғылыми негіздеуге ықпал етеді.

Міндетті жүзеге асыру тәсілі: Мақсатты топтар арасында сауалнама және сұхбат жүргізу; алынған эмпирикалық материалды өңдеу және талдау.

Күтілетін нәтиже: Эмпирикалық материалды өңдеу нәтижелері бойынша қорытындылар жасау; мақсатты топтарды анықтау.

Міндетті жүзеге асыру тәсілі: ресми және бейресми жоғары білім берудің конвергенция жағдайында кәсіби шетел тілін оқытуда оқу материалдарын және әдістемелік қамтамасыз етуді әзірлеу.

Күтілетін нәтиже: жоғары оқу орындары студенттерінің кәсіби шет тілдік құзыреттілігінің конвергентті моделі: қолданбалы аспект.

Міндетті жүзеге асыру тәсілі: кәсіби шет тілдік оқытуға конвергентті технологияларды қосу: (1) блогосфера және әлеуметтік медиа; (2) дәстүрлі және интернет форматтарын қолданатын трансдисциплинарлық Language Open-Air лагерлері; (3) кәсіби шет тілдік білім беру саласындағы ойын педагогикасы зертханасы.

Күтілетін нәтиже: жоғары оқу орындары студенттерінің кәсіби шет тілдік құзыреттілігінің мотивациялық, праксиологиялық және когнитивтік деңгейлерін арттыру.

Педагогикалық эксперименттік жұмыс Е.А. Бөкетов атындағы Қарағанды университетінің шетел тілдері факультеті базасында жүргізіледі (негізгі кезең) және халықаралық серіктес университетпен (Ататүрік атындағы университет, Түркия), ұлттық серіктес (KazTEA қоғамдық ұйымы) келісім бойынша жүзеге асырылады.