Ағылшын тілі мұғалімдері мен оқытушыларының қауымдастығы нысанындағы заңды тұлғалар бірлестігі "Е. А. Бөкетов атындағы Қарағанды университеті" КЕАҚ шет тілдер факультетімен Келісім шеңберінде 2021-2023 жылдар кезеңінде AP09260118 "Тиімділікті бағалау, əдістеме, құзыреттілікті дамыту векторлары сынды аралас оқытуда педагогтердің біліктілігін арттырудағы фасилитаторлар" ШЖК ғылыми - зерттеу жобасына қатысады. Бұл шараға АҚШ-тың Нұр-сұлтан қаласындағы Елшілігі жанындағы Ағылшын тілі бағдарламаларының аймақтық кеңсесінің қаржыландыруымен 2019-2020 жылдар аралығында ҚР-ның 14 қаласында өткен "Ағылшын тілі жаппай ашық онлайн-курстар ресурстарының негізінде" жобасын іске асыру қорытындысы бойынша бастамашылық жасалған. Жобаны іске асыру барысында жаппай онлайн курстардың фасилитаторының ерекше рөлі атап өтілді жəне курс тыңдаушыларын тартудың интерактивті тəсілдері мақұлданды. Сессияларды өткізудің онлайн форматына көшу "English for STEM"онлайн курстарының материалдарын зерттеудің тиімділігін арттыру үшін жаңа əдістемелік тəсілдер мен веб-қосымшалар енгізді.

Нəтижесінде, жобаның фасилитаторлары мен Е.А. Бөкетов атындағы Қарағанды университетінің оқытушылар тобы Жаппай Ашық Онлайн Курстар ресурстарының негізінде жəне фасилитатордың көмегімен когнитивті-құзыреттілік оқыту тəсіліне сəйкес "ағылшын тілі" бағыты бойынша педагогтердің кəсіби құзыреттіліктерін арттыру үшін жағдай жасау стратегиясын əзірлей отырып, ретроспективті жəне перспективті талдау жүргізу мақсатын анықтады.

2021-2022 жылдар кезеңінде "Тиімділікті бағалау, əдістеме, құзыреттілікті дамыту векторлары сынды аралас оқытуда педагогтердің біліктілігін арттырудағы фасилитаторлар" AP09260118 ИРН жобасы шеңберінде келесі нəтижелер алынды:

1) ЖАОК ресурстары негізінде жəне фасилитатордың көмегімен ағылшын тілі педагогтерінің шетел тілі біліктілігін арттыру курсының əдіснамасы əзірленді;

2) ЖАОК ресурстарында курстарды сəтті меңгеру үшін фасилитатордың əдістемелік рөлі анықталды;

3) ЖАОК ресурстарын қолдана отырып курстарды сəтті меңгеру үшін фасилитаторлардың негізгі педагогикалық жəне техникалық міндеттері анықталды;

4) ЖАОК тиімділігін арттыру мақсатында жəне "ағылшын тілі"бағыты бойынша білім алушылардың / педагогтердің қажеттіліктері мен мүдделеріне сəйкес шетел тілі ретінде ағылшын тілін оқыту саласындағы когнитивті-құзыреттілік тəсіліне сəйкес Web 2.0 платформалары мен құралдарының тізбесі жасалды.

5) ЖАОК ресурстары базасында курс тыңдаушыларының танымдық жəне коммуникативтік дағдыларын жетілдіруге арналған Web 2.0 тұғырнамалары мен құралдарын іске қосып, кейіннен курс тыңдаушыларын аралас оқыту кезінде Web 2.0 пайдалану тетіктеріне оқыта отырып, оқыту материалдары əзірленді;

6) біліктілікті арттыру үшін ЖАОК ресурстарының əлеуетін айқындау стратегияларына оқыту əдістемесі əзірленді.

Аталған зерттеудегі "КаzТЕА" ҚР ағылшын тілі мұғалімдері мен оқытушылары қауымдастығының негізгі рөлі "медиа сауаттылықты арттыру үшін ағылшын тілін меңгеру деңгейін жетілдіру" жобасын іске асыру болып табылады, оның шеңберінде 300 - ге жуық ағылшын тілі мұғалімдері, сондай- ақ болашақ ағылшын тілі мұғалімдері мен оқытушылары - магистранттар мен докторанттар "English for Media Literacy" онлайн курсының негізінде жəне фасилитатордың көмегімен ҚР-ның 16 қаласында медиа сауаттылық аспектілерін зерттеп жатыр. Фасилитаторлардың жұмысы мен офлайн сессиялар кезіндегі интерактивті жұмыс түрлерінің арқасында жоба қатысушылары жалған ақпаратты ажырата білу стратегиясын анықтайды, жарнама əдістерін үйренеді. Web 2.0 (Quizlet, Canva, Miro board, etc) қосымшалары арқылы ағылшын тілін меңгеру деңгейін көтереді.

Жоба мүшелері үшін қатысушылардан кері байланыс өте маңызды, олар өз шолуларында Фасилитатордың Coursera платформасында жұмыс істеудің техникалық аспектілеріндегі көмегін, сондай-ақ онлайн курс материалдарын жақсы игеру үшін интерактивті жұмыс формаларын ұйымдастыруға жəне пікірталастар жүргізуге əдістемелік көмекті атап өтеді.

Жоба бойынша, яғни осы ғылыми зерттеу бойынша деректер жинау жұмысы жалғасуда.